Dempsey framlengir samning sinn við Fulham

Clint Dempsey hefur framlengt samning sinn við enska úrvalsdeildarfélagið Fulham til loka leiktíðarinnar 2013.

Dempsey er bandarískur landsliðsmaður sem kom til Fulham frá New England Revolution í janúar árið 2007 og átti gamli samningurinn hans að renna út eftir næsta tímabil.

Hann hefur skorað fjórtán sinnum í 81 leik í ensku úrvalsdeildinni og var meðal markahæstu leikmanna Fulham með sjö mörk á síðasta tímabili.

Dempsey á 57 leiki að baki með bandaríska landslðinu og var lykilmaður í liðinu sem komst í úrslitaleik Álfukeppninnar í Suður-Afríku nú í sumar.