Beckham og félagar í úrslit Vesturdeildar - myndband

David Beckham og félagar í LA Galaxy eru komnir í úrslit Vesturdeildarinnar í bandarísku MLS-deildinni.

Liðið mætti hinu LA-liðinu, Chivas, í undanúrslitum Vesturdeildarinnar. Fyrra leiknum lyktaði með jafntefli, 2-2, en Galaxy vann 1-0 í seinni leiknum.

Beckham átti stóran þátt í sigurmarkinu. Hann átti magnaða 50 metra sendingu á Landon Donovan. Hann framlengdi boltanum í teiginn þar sem brotið var á leikmanni Galaxy og vítaspyrna dæmd.

Donovan skoraði svo örugglega úr vítinu.

Markið má sjá hér.