Hjaltalín mætti á leikinn gegn Frökkum og var allt í öllu í stúkunni

Meðlimir íslensku hljómsveitarinnar Hjaltlín voru í aðalhlutverki meðal íslensku áhorfendanna á leiknum á móti Frökkum í gær. Hjaltalín hélt vel heppnaða tónleika á sunnudagskvöldið í Tampere og hljómsveitin mætti síðan á leikinn í treyjunum sem íslensku stelpurnar gáfu þeim á æfingu fyrir brottförina til Finnlands.

Það var mikil stemmning meðal stuðningsmannahóp íslenska liðsins sem eiga hrós skilið fyrir stuðninginn við stelpurnar. Þar var sungið, dansað, trommað og tjúttað og allir höfðu mjög gaman af.

Stelpurnar voru líka duglegar að þakka fyrir sig eftir leikinn þótt að það hafi verið erfitt fyrir þær flestar að sætta sig við sárt tap.