Frönsku stelpurnar unnu 7-0 sigur í Króatíu

Franska kvennalandsliðið vann 7-0 útisigur á Króatíu í undankeppni HM í dag en leikurinn fór fram í Zapresic í Króatíu. Liðin eru eins og kunnugt er með stelpunum okkar í riðli.

Frakkar skoruðu fyrsta markið sitt á 26. mínútu og voru 3-0 yfir í hálfleik en liðið skoraði mark í báðum uppbótartímum hálfleikanna. Corine Franco skoraði tvö mörk fyrir franska liðið og þær Sandrine Soubeyrand, Marie-Laure Delie, Camille Abily, Eugénie Le Sommer og Élodie Thomis skoruð eitt mark hver.

Þetta var þriðji leikurinn í riðlinum en íslensku stelpurnar höfðu unnið 5-0 (Serbía) og 12-0 (Eistland) í fyrstu tveimur leikjum hans. Franska liðið mætir næst íslenska landsliðinu á Stade de Gerland vellinum í Lyon og fer sá leikur fram 24. október.

Næsti leikur í riðlinum er hinsvegar á milli nágrannanna Serba og Króatíu í Serbíu á laugardaginn.