Tveir leikmenn Portsmouth sektaðir og sendir heim eftir slagsmál

David Nugent og Marc Wilson voru reknir heim úr æfingaferð enska úrvalsdeildarliðsins Portsmouth til Guimaraes í Portúgal í síðustu viku. Þeir lentu í slagsmálum um miðja nótt eftir að hafa drukkið aðeins of mikið.

Paul Hart, stjóri Portsmouth rak þá David Nugent og Marc Wilson heim um leið og hann frétti af hegðun þeirra og þeir hafa auk þess verið sektaðir um tveggja vikna laun.

Atvikið gerðist eftir að þeir komu til baka af næturklúbbi en daginn áður hafði Portsmouth tapaði 0-4 fyrir Benfica. David Nugent tók reyndar ekki þátt í þeim leik vegna meiðsla.

Það er ljóst að það eru fáar gleðifréttir sem berast úr herbúðum Hermanns Hreiðarssonar og félaga þessa daganna en eins og kunnugt er hefur Portsmouth þurft að selja sterka leikmenn vegna fjárhagsvandræða klúbbsins.