Van der Sar handarbrotnaði í vítakeppninni á móti Bayern - frá í 8 vikur

Edwin van der Sar, markvörður enska meistarana í Manchester United verður ekki með liðinu í upphafi tímabilsins eftir að það kom í ljós að hann hefði handar- og fingurbrotnað í vítaspyrnukeppninni á móti Bayern Munchen í Audi-bikarnum á dögunum.

Hinn 38 ára gamli hollenski markvörður verður væntanlega frá í allt að átta vikur eða þar til í lok september. Hann meiddist svona illa við það að verja víti frá Danijel Pranjic leikmanni Bayern Munchen.

Sir Alex Ferguson, stjóri liðsins, þarf nú að velja á milli þeirra Ben Foster og Tomasz Kuszczak fyrir leikinn á móti Chelsea um góðgerðaskjöldinn á sunnudaginn.