City staðfestir áhuga sinn á Delph

Knattspyrnustjórinn Mark Hughes hjá Manchester City hefur staðfest að félagið sé komið í kapphlaupið um enska U-21 árs landsliðsmanninn Fabian Delph sem leikur með Leeds en Aston Villa, Everton og Tottenham hafa öll líst yfir áhuga á að fá leikmanninn í sínar raðir.

Hughes vildi þó ekki staðfesta hvort að City væri búið að leggja fram kauptilboð í hinn nítján ára leikmann.

„Leikmaðurinn hefur náð athygli okkar og við erum að skoða stöðuna. Ég get ekki sagt neitt meira eins og staðan er núna en við höfum áhuga á leikmanninum," segir Hughes.