Rooney tryggði United sigur

Wayne Rooney tryggði Manchester United 1-0 sigur á Birmingham í fyrri leik dagsins í ensku úrvalsdeildinni.

Markið skoraði Rooney í fyrri hálfleik eftir laglega sendingu frá Nani. Rooney skallaði boltann í stöng en náði að fylgja sjálfur eftir og skora gott mark.

Michael Owen kom inn á sem varamaður í síðari hálfleik og var afar nálægt því að skora í uppbótartíma. Joe Hart, markvörður Birmingham, sá hins vegar við honum.

Þetta var þrettándi leikur Owen í ensku úrvalsdeildinni í röð án þess að hann nær að skora.

Yfirburðir United voru þó talsvert miklir í leiknum. Darren Fletcher fékk til að mynda gott færi í lok fyrri hálfleiks en náði ekki að nýta sér það.

Christian Benitez kom inn á sem varamaður í síðari hálfleik hjá Birmingham og var nálægt því að jafna metin skömmu síðar. Ben Foster varði vel frá honum.