Eiður Smári fékk bara þrjá í einkunn fyrir Nice-leikinn

Blaðamenn France Football voru ekki ánægðir með frammistöðu Eiðs Smára Guðjohnsen í leik Mónakó á móti Saint-Etienne á Louis II-leikvanginum í Mónakó á laugardaginn. Eiður Smári, sem var skipt útaf á 63. mínútu, var þriðja deildarleikinn í röð valinn slakasti leikmaður Mónakó-liðsins.

Eiður Smári fékk 3 í einkunn og var sá eini í Mónakó-liðinu sem fékk svo lága einkunn hjá France Football. Alejandro Alonso og Eduardo Costa fengu báðir 4. Eiður Smári hefur fengið tvo þrista og einn fjarka í fyrstu þremur deildarleikjum sínum með Mónakó.

Mónakó tapaði leiknum 1-2 og var þetta fyrsta tap liðsins á heimavelli á tímabili. Saint-Etienne komst yfir í upphafi leiks en Mónakó jafnaði á 56. mínútu eða sjö mínútum áður en Eiður var tekinn útaf. Sigurmark Saint-Etienne kom síðan á lokamínútunni.