Sport

Erla Dögg ætlar að gera betur í London - Myndir

Henry Birgir Gunnarsson í Peking skrifar
Erla Dögg í lauginni í morgun.
Erla Dögg í lauginni í morgun.

"Mér leið ágætlega í sundinu. Ég reyndi að njóta þess og vera ákveðin. Mér leið samt svipað og síðast. Leið ekkert "súper" en þetta var allt í lagi," sagði Erla Dögg Haraldsdóttir eftir 200 metra fjórsundið í dag þar sem hún var tæpum tveim sekúndum frá sínum besta árangri.

"Ég er ekki alveg nógu sátt við árangur minn á þessum leikum. Það er pottþétt að ég ætla að standa mig betur í London eftir fjögur ár."

Hún keppti í 100 metra bringusundi í gær og var einnig langt frá sínu besta þá. Erla Dögg hefur nú lokið keppni í Peking.



Sigrún Brá Sverrisdóttir keppti í 200 metra skriðsundi. Hún synti á sjöttu braut í fyrsta riðli. Vilhelm Gunnarsson
Hún náði sér ekki á strik og synti á 2:04,82 mínútum sem er tæpri einni og hálfri sekúndu frá Íslandsmeti hennar í greininni. Vilhelm Gunnarsson
Alls varð hún í 45. sæti af 46 keppendum í greininni. Síðar í undanrásunum setti Federica Pellegrini frá Ítalíu heimsmet í greininni. Vilhelm Gunnarsson
„Ég er ekki sátt með sundið, ég get ekki neitað því," sagði Sigrún Brá við Vísi skömmu eftir að hún kom upp úr lauginni. Vilhelm Gunnarsson
Erla Dögg Haraldsdóttir keppti í 200 metra fjórsundi í morgun sem var hennar síðasta grein á leikunum. Vilhelm Gunnarsson
Hún synti á 2:20,53 mínútum sem er tæpum tveimur sekúndum yfir Íslandsmeti hennar. Alls varð hún í 35. sæti af 38 keppendum. Vilhelm Gunnarsson
"Mér leið ágætlega í sundinu. Ég reyndi að njóta þess og vera ákveðin. Mér leið samt svipað og síðast. Leið ekkert "súper" en þetta var allt í lagi," sagði Erla Dögg. Vilhelm Gunnarsson

Tengdar fréttir

Erla Dögg: Hef engan veginn fundið taktinn

„Ég hef engan veginn fundið taktinn síðan ég kom hingað. Hafði samt ekkert verið að stressa mig á því þar sem ég hélt það myndi kannski koma þegar út í alvöruna væri komið en því miður gerðist það ekki,“ sagði Erla Dögg Haraldsdóttir eftir bringusundið áðan en hún var eðlilega ekki ánægð með sjálfa sig.

Erla Dögg langt frá sínu besta

Erla Dögg Haraldsdóttir náði sér ekki á strik í 100 metra bringusundi á Ólympíuleikunum í Peking í morgun.

Mest lesið


Fleiri fréttir

Sjá meira


×

Mest lesið