Samfylkingarmenn fara yfir atburði liðinna vikna

Flokksmönnum Samfylkingarinnar hefur verið boðið á fund á Grand-hótel á sunnudaginn klukkan 15 þar sem ráðherrar flokksins munu ræða um þau miklu tíðindi sem orðið hafa í fjármálakerfi landsins með tilheyrandi afleiðingum fyrir heimilin í landinu.

Fram kemur í tilkynningu frá flokknum Ingibjörg Sólrún Gísladóttir, formaður Samfylkingarinnar, muni setja fundinn með stuttu ávarpi. Í kjölfarið munu Össur Skarphéðinsson iðnaðarráðherra, Jóhanna Sigurðardóttir félagsmálaráðherra og Björgvin G. Sigurðsson viðskiptaráðherra fara yfir stöðuna, aðgerðir ríkisstjórnarinnar og atburði síðustu vikna. Ágúst Ólafur Ágústsson varaformaður Samfylkingarinnar stýrir fundinum.