Donadoni sagður ætla gera fimm breytingar

Roberto Donadoni hefur mátt þola mikla gagnrýni í ítölskum fjölmiðlum undanfarna daga eftir að Ítalir töpuðu 3-0 fyrir Hollandi á EM í fótbolta.

Eftir því sem fram kemur í ítölskum fjölmiðlum mun hann gera fimm breytingar á byrjunarliði sínu fyrir næsta leik en Ítalir mæta Rúmenum á föstudaginn.

Marco Materazzi, Gennaro Gattuso, Mauro Camoranesi, Antonio Di Natale og Andrea Barzagli munu allir verða settir á bekkinn samkvæmt þessu.

Fabio Grosso og Giorgio Chiellini munu koma inn vörnina, Daniele De Rossi og Antonio Cassano á miðjuna og Alessandro Del Piero verður í sókninni með Luca Toni.

Eftir því sem Gazzetta dello Sport segir eru ítölsku landsilðsmennirnir allt annað en sáttir við Donadoni.

„Við vitum fyrst hverjir munu spila aðeins nokkrum tímum fyrir leik. Það er komið fram við okkur eins og börn," mun einn landsliðsmaðurinn hafa skrifað í sms-i til félaga síns heima fyrir.