Flamini ekki hættur með landsliðinu

Orðrómur hefur verið á kreiki um að Mathieu Flamini sé hættur með franska landsliðinu. Það segir hann hins vegar rangt.

Flamini var ekki valinn af Raymond Domenech landsliðsþjálfara í EM-hóp liðsins í sumar, né heldur í nú í haust.

„Ef kallið kemur mun ég svara því," sagði Flamini í samtali við L'Equipe. „Ég er ekkert bitur af því ég var ekki á EM. Ég horfði á keppnina í sjónvarpinu og var dyggur stuðningsmaður landsliðsins."

Flamini gekk nú í vor til liðs við AC Milan frá Arsenal.