Abu Dhabi að ganga frá kaupunum á City

Mark Hughes, knattspyrnustjóri Manchester City, býst við því að Abu Dhabi United Group muni ganga formlega frá kaupum sínum á félaginu áður en vikan verður liðin.

Thaksin Shinawatra, núverandi eigandi félagsins, tók tilboði ADUG í byrjun mánaðarins og nú er verið að ganga frá öllum formsatriðum.

„Ég held að yfirtakan verði frágengin á næstu dögum, jafnvel áður en vikan verður liðin," sagði Hughes.

Fyrsta verk nýju eigenda City var að kaupa Brasilíumanninn Robinho fyrir 32,5 milljónir punda sem er það mesta sem enskt knattspyrnulið hefur eytt í leikmann.

Talið er að ADUG sé tíu sinnum meira virði en auður Roman Abramovich, eiganda Chelsea.