Stóri-Sam orðaður við Blackburn

Samkvæmt enskum fjölmiðlum hefur Sam Allardyce ákveðið að stytta sumarfrí sitt með fjölskyldunni. Ástæðan er sú að hann er líklega að fara að snúa aftur í fótboltann.

Talið er að Blackburn horfi til Allardyce til að taka við af Mark Hughes sem er orðaður við Manchester City og Chelsea. Hughes hefur fengið leyfi til viðræðna við City.

Allardyce hefur ekki farið leynt með að hann vilji snúa aftur í knattspyrnustjórn sem fyrst. Steve McClaren og Paul Jewell hafa einnig verið nefndir sem hugsanlegir kostir fyrir Blackburn ef Hughes fer.