Innlent

Sjálfstæðisflokkurinn tapar þriðjungi á landsbyggðinni

Fylgi Sjálfstæðisflokksins dregst saman um tæp sex prósentustig frá því í apríl. 32,8 prósent segjast nú myndu kjósa flokkinn samkvæmt nýrri

skoðanakönnun Fréttablaðsins.

Fylgi Sjálfstæðisflokksins minnkar sérstaklega á landsbyggðinni. Nú segjast 25,6 prósent kjósenda sem búsettir eru utan höfuðborgarsvæðisins myndu kjósa flokkinn, en í apríl voru það 39,4

prósent. Fylgi flokksins hefur því dregist þar saman um þriðjung.

Samkvæmt því myndu þingmenn Sjálfstæðisflokksins vera 21, en þeir eru 25 nú.

Fylgi Samfylkingar eykst hins vegar um rúm fimm prósentustig frá síðustu könnun. 32,0 prósent segjast nú myndu kjósa flokkinn. Meðal kjósenda utan höfuðborgarsvæðisins eykst fylgi Samfylkingarinnar um 75 prósent, úr 21,2 prósentum í 37,2 prósent. Í apríl dalaði fylgi flokksins á landsbyggðinni hins vegar um þrettán prósentustig. Þingmenn Samfylkingar yrðu samkvæmt þessu 21, en eru nú átján.

Fylgi Vinstri grænna dregst saman um tæp fjögur prósentustig frá síðustu könnun og segist 17,1 prósent styðja flokkinn. Samkvæmt því myndi þingflokkur Vinstri grænna telja ellefu manns, tveimur fleiri en flokkurinn hefur nú.

Framsóknarflokkur og Frjálslyndi flokkurinn bæta báðir aðeins við sig fylgi frá síðustu könnun Fréttablaðsins. 8,9 prósent segjast nú myndu kjósa Framsóknarflokkinn, sem er tæpum tveimur prósentustigum meira en í síðustu könnun blaðsins. Flokkurinn fengi samkvæmt því fimm þingmenn kjörna, en hefur sjö nú.

Fylgi Frjálslynda flokksins eykst um 2,5 prósentustig frá því í apríl. 8,0 prósent segjast nú myndu kjósa flokkinn og fengi hann samkvæmt því fimm þingmenn. Einn maður myndi því bætast við þingflokkinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.