Innlent

Gríðarmiklar olíu- og gaslindir á Drekasvæðinu

Sérfræðingar norska olíufélagsins Sagex Petrolium telja að á Drekasvæðinu sé álíka mikil olía og í norska hluta Norðursjávar. Verðmætin eru talin svo mikil að þau jafngilda öllum opinberum útgjöldum á Íslandi í fjögurhundruð ár. Íslensk stjórnvöld bjóða út rétt til leitar og olíuvinnslu á svæðinu eftir tvo mánuði. Þetta kemur fram í fréttaskýringaþættinum Kompás á Stöð 2 í kvöld.

Framtíð Íslands gæti legið í Drekasvæðinu í norðausturhorni íslensku efnahagslögsögunnar, ef marka má sérfræðinga norska olíufélagsins Sagex Petrolium. Gunnlaugur Jónsson, sem sæti á í stjórn fyrirtækisins, segir starfsmenn þess handvissa um að þarna sé olía og Drekasvæðið verði næsti Norðursjór. Þar sé álíka mikil olía og í norskahluta Norðursjávar. Eina spurningin er hversu margar holur þurfi að bora til að ná í hana.

Sagex-menn eru þeir aðilar sem einna mest hafa rýnt í gögn af Drekasvæðinu en þeir voru áður ráðgjafar íslenskra stjórnvalda. Sérfræðingar Orkustofnunar eru sammála því að þarna séu verðmæti. Kristinn Einarsson, verkefnisstjóri olíuleitar hjá Orkustofnun, segir ljóst að þarna sé olía og/eða gas. Hljóðbylgjumælingar sýni slík merki og viðbótargögn sem fengust í sumar með fjölgeislamælingum rannsóknaskips Hafrannsóknastofnunarinnar styðji það enn frekar.

Ef leit á Drekasvæðinu gengur vel má gera menn ráð fyrir að fyrsta olían náist upp eftir þrjú til fimm ár og þá hefjist uppbygging á norðausturhorni landsins. Gunnlaugur Jónsson hjá Sagex spáir því að þar verði mikil uppbygging á næstu fimm til fimmtán árum.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.