United á eftir efnilegum Frökkum

Manchester United er á eftir tveimur frönskum leikmönnum, Jeremy Helen og Darnel Situ. Hinn fimmtán ára Helen er talinn meðal efnilegustu leikmanna Evrópu.

Inter, Real Madrid, Arsenal, Newcastle og Everton voru öll með Helen á sínum óskalista en Manchester United virðist vera að vinna kapphlaupið um leikmanninn.

Helen er vinstri bakvörður sem er nú í herbúðum Rennes í heimalandinu. Formaður franska liðsins segir að leikmaðurinn vilji ólmur ganga til liðs við United.

Situ er fyrirliði franska U16 landsliðsins. Hann er á mála hjá Lens.