Stutt í samningaviðræður hjá Ronaldo

Umboðsmaður Cristiano Ronaldo hjá Manchester United staðfesti í samtali við Sky í dag að fyrirhugaðar væru viðræður við forráðamenn félagsins um framlengingu á samningi leikmannsins.

Ronaldo átti frábæra leiktíð með United í fyrra og flestir hallast að því að hann verði kjörinn knatttspyrnumaður ársins.

Sir Alex Ferguson knattspyrnustjóri náði að telja Ronaldo af því að fara til Real Madrid í sumar og talið er að Portúgalinn sé tilbúinn að halda áfram að spila með enska liðinu.

Umboðsmaður hans sagði ekkert í hendi um hvenær viðræðurnar hæfust, en sagði eðlilegt að leikmaður eins og Ronaldo fengi borgað í takt við frammistöðu sína á vellinum.