Manchester United og Arsenal bítast um Ramsey

Manchester United hefur komist að samkomulagi við Cardiff City um kaupverðið á hinum sautján ára Aaron Ramsey.

Þetta kemur fram í fréttatilkynningu frá United. Upphæðin er talin vera rúmlega fimm milljónir punda.

En liðið fær harða samkeppni um Ramsey því samkvæmt heimildum BBC hefur Cardiff einnig játað tilboði frá Arsenal. Það kemur því í hlut leikmannsins unga að velja á milli.

Ramsey var í leikmannahópi landsliðs Wales sem lék hér á Laugardalsvelli á dögunum en kom ekki við sögu í leiknum. Hann á 22 leiki að baki fyrir Cardiff.

Sir Alex Ferguson hefur fylgst vel með Ramsey í nokkurn tíma. Talið er að hyggist lána Ramsey til Cardiff næsta tímabil svo hann öðlist meiri reynslu ef hann fær leikmanninn í sínar raðir.