Zola ánægður með skipulagið hjá West Ham

Gianfranco Zola, nýráðinn knattspyrnustjóri West Ham, segist vera ánægður með skipulagið á innri starfsemi félagsins.

Hann verður undirmaður Gianluca Nani sem er yfirmaður tæknimála hjá félaginu. Alan Curbishley, fyrrum stjóri West Ham, sagði starfi sínu lausu þar sem hann fékk ekki að eiga lokaorðið um leikmannamál félagsins.

„Ég kom til West Ham til þess að taka þátt í liðsstarfssemi," sagði Zola. „Ég vil starfa með stjórninni og Gianluca Nani. Ef við þurfum að bæta einhverja hluti er ég viss um að hann muni styðja mig."

„Ég tel að ég muni að þurfi sinna svo mikilli vinnu á vellinum að ég hefði ekki tök á að hugsa um aðra hluti. Mér líkar við að vinna með liðinu og reyna að bæta það sem ég er með í höndunum. Ég mun svo segja stjórnendum félagsins hvar við þurfum að bæta okkur og þá er það undir þeim komið," sagði Zola.

Björgólfur Guðmundsson er eigandi West Ham og stjórnarformaður. Ásgeir Friðgeirsson er varaformaður og Guðmundur Oddsson stjórnarmaður. Það eru því Íslendingar í meirihluta stjórnarinnar.