United með tilboð í Berbatov

Enskir fjölmiðlar greina frá því í dag að Manchester United hafi í gær lagt fram tilboð í búlgarska sóknarmanninn Dimitar Berbatov hjá Tottenham. Boðið mun hafa hljóðað upp á 20 milljónir punda.

Sir Alex Ferguson vill bæta sóknarmanni við hóp sinn fyrir næsta tímabil. Hann hefur lengi verið á eftir Berbatov en leikmaðurinn hefur gefið það út að hann vilji fara í lið sem leikur í Meistaradeildinni.

Berbatov hefur leikið frábærlega með Tottenham síðustu tvö tímabil og skorað 46 mörk fyrir félagið síðan hann kom frá Bayer Leverkusen.