Everton komið í baráttuna um Ramsey

Cardiff hefur tekið tilboði frá Everton í hinn efnilega Aaron Ramsey. Manchester United og Arsenal fengu fimm milljón punda tilboð sín samþykkt í gær og Everton hefur jafnað þá upphæð.

Þessi sautján ára miðjumaður er einnig á óskalista Liverpool en liðið hefur enn ekki komið með nægilega gott tilboð.

Líklegast er talið að Manchester United fái Ramsey en Evrópumeistararnir hyggjast lána hann aftur til Cardiff í eitt tímabil í viðbót til að hann öðlist meiri reynslu. Það hafa hin liðin ekki í hyggju.