Reading hafði betur í Íslendingaslagnum

Reading vann í dag 3-1 sigur á Burnley í viðureign tveggja Íslendingaliða í ensku 1. deildinni.

Ívar Ingimarsson og Brynjar Björn Gunnarsson spiluðu allar 90 mínúturnar í liði heimamanna og Jóhannes Karl Guðjónsson sömuleiðis hjá Burnley. Noel Hunt, Stephen Hunt og Shane Long skoruðu mörk Reading en Chris McCann lagaði stöðuna í lokin fyrir Burnley.

Birmingham er á toppi deildarinnar með 23 stig eftir 1-0 sigur á QPR í hádegisleiknum og Wolves er í öðru sæti með 22 stig eftir að tapa öðrum leik sínum í röð 3-1 í dag - nú fyrir Swansea á útivelli.

Reading situr í þriðja sæti deildarinnar með 20 stig og Sheffield United hefur 17 stig í þriðja sætinu.

Aron Gunnarsson var í byrjunarliði Coventry sem vann 4-1 sigur á Southampton.

Úrslitin í 1. deildinni í dag: