Starfsmenn Skjásins safna undirskriftum og skora á Þorgerði

Starfsmenn Skjásins, sem rekur SkjáEinn, hafa ýtt úr vör undirskriftasöfnun þar sem skorað er á Þorgerði Katrínu Gunnarsdóttur, menntamálaráðherra, og ríkisstjórnina að leiðrétta skakka samkeppnisstöðu og tryggja þar með veru frjálsra fjölmiðla á Íslandi.

Skjárinn tilkynnti í morgun að öllum starfsmönnum fyrirtækisins hefur verið sagt upp.

Starfsmenn Skjásins segja að á hverju ári fái Ríkisútvarpið þriggja milljarða forskot á Sjáinn frá skattgreiðendum og með því fjármagni geti RÚV yfirboðið aðrar sjónvarpsstöðvar við kaup á efni. Einnig undirbjóði RÚV einkareknu stöðvarnar við sölu auglýsinga.

,,Stjórnendur og starfsmenn munu taka höndum saman á næstu vikum til þess að starfsemin geti haldið áfram, áhorfendum og auglýsendum til heilla. Áhorf á SkjáEinn er í sögulegu hámarki og við treystum því og trúum að landsmenn allir og stjórnvöld styðji áframhaldandi veru frjálsra fjölmiðla á Íslandi," segja starfsmennirnir.

Undirskriftasöfnunin fer fram hérna.