Ég er enginn Cantona

Dimitar Berbatov er orðinn leiður á því að vera líkt við goðsögnina Eric Cantona hjá Manchester United ef marka má orð hans í samtali við Daily Telegraph.

Búlgarinn hefur sýnt lipra takta síðan hann gekk í raðir United frá Tottenham og hefur tækni hans og markaskorun fengið marga til að líkja honum við franska sérvitringinn sem var allt í öllu í sigursælu liði United á síðasta áratug.

"Ég er bara ég sjálfur. Ég vil ekki láta líkja mér við aðra leikmenn - sérstaklega ekki goðsagnir eins og Eric Cantona. Spyrjið bara félaga mína í liðinu. Ég er sá hljóðláti. Ég tala ekki mikið og held mér til hlés," sagði Berbatov.