Fleiri stjórar orðaðir við West Ham

Nokkrir ítalskir þjálfarar hafa nú verið orðaðir við knattspyrnustjórastöðuna hjá West Ham. Í gær var Paolo Di Canio orðaður við stöðuna, en nú hafa nokkrir fleiri bæst í hópinn að sögn BBC.

Þannig hafa þeir Roberto Donadoni, fyrrum landsliðsþjálfari Ítala og Roberto Mancini, fyrrum þjálfari Inter, og Gianfranco Zola, þjálfari U-21 árs liðs Ítala verið nefndir til sögunnar í dag.

Þá er sagt að Gerrard Houillier fyrrum þjálfari Liverpool sé einnig inni í myndinni.

Ólíklegt þykir að Slaven Bilic landsliðsþjálfari Króata komi til greina, en hann ætlar að standa við gerða samninga sína við króatíska knattspyrnusambandið.

Sömu sögu er að segja af þeim Harry Redknapp hjá Portsmouth og Stuart Pearce, þjálfara U-21 árs liðs Englendinga.