Hiddink hunsar Tottenham

Guus Hiddink, landsliðsþjálfari Rússlands, ætlar að nota framherjan Roman Pavlyuchenko í leik Rússa gegn Wales á morgun þrátt fyrir beiðni Tottenham um að gefa honum frí.

Tottenham ritaði rússneska knattspyrnusambandinu bréf og sagði að þar sem Pavlyuchenko ætti við ökklameiðsli að stríða væri betra ef hann fengi hvíld.

„Hann verður að gefa allt sitt til landsliðsins,“ sagði Hiddink. „Hann getur leyft sér að hugsa um sína skuldbindingu við Tottenham eftir leikinn.“

„Við fengum bréf frá Tottenham en bæði læknar okkar og frá gamla félaginu hans segja að hann sé heill heilsu. Ég verð að taka í sama streng.“

„Ef maður óttast meiðsli hjá hverjum einasta leikmanni myndi enginn spila. Lið ættu ekki að fá þekkt nöfn til sín ef þau vilja ekki að hann spili.“