Björgólfur Thor ætlar ekki að skorast undan ábyrgð

„Það er sameiginleg ábyrgð margra sem veldur ástandinu eins og það er í dag og ég ætla ekkert að skorast undan því," segir Björgólfur Thor Björgólfsson. Hann er ríkasti Íslendingurinn og einn stærsti hluthafi í Landsbankanum sem féll fyrr í mánuðinum með þeim afleiðingum að Íslendingar og Bretar eiga nú í harðri milliríkjadeilu.

Björgólfur segist skilja vel að fólk sé sokkið í hræðslu og reiði. Hann segist ekki geta komið með peninga inn í hagkerfi Íslendinga núna, en hann vilji koma að því að hjálpa til við að koma Íslandi út úr þeim ógöngum sem þjóðin er nú í.

Björgólfur Thor verður í viðtali í Kompási næsta mánudagskvöld. Smelltu hér að neðan til að horfa á stiklu úr þættinum.