Chelsea vill Rijkaard eða Mancini

Breska blaðið The Sun segir að Chelsea ætli að halda fundi með Frank Rijkaard og Roberto Mancini í næstu viku. Þeir tveir eru efstir á óskalista félagsins yfir nýja knattspyrnustjóra.

Chelsea reyndi að fá Carlo Ancelotti en hann neitaði að yfirgefa AC Milan. Þar sem Evrópumótið hefst á morgun vonast forráðamenn Chelsea til þess að athyglin beinist ekki að stjóraleit þeirra.

Rijkaard og Mancini voru báðir reknir eftir nýliðið tímabil, Rijkaard frá Barcelona og Mancini frá Inter. Rijkaard hefur stuðning nokkurra ráðgjafa Roman Abramovich, þar á meðal Frank Arnesen sem sér um akademíu félagsins.