Vilhjálmur í úrvalsdeildina

KR-ingurinn Vilhjálmur Alvar Þórarinsson er kominn upp í hóp landsdómara A hjá KSÍ. Dómaralistinn hefur verið endurskoðaður og er Vilhjálmur eini dómarinn sem færist upp í A-flokk en hann skipa þeir dómarar sem dæma í efstu deild karla.

Vilhjálmur dæmir reyndar fyrir KV en hann er fæddur 1985 og er yngsti A-dómarinn. Ólafur Ragnarsson og Sævar Jónsson eru báðir hættir dómgæslu og detta út af listanum. Sævar dæmdi reyndar ekkert á nýliðnu sumri. Þá lækkar Erlendur Eiríksson niður í B-dómara.

Hér að neðan má sjá A-dómara KSÍ sem hafa réttindi til að dæma í efstu deild karla.

Garðar Örn Hinriksson, milliríkjadómari (Stokkseyri)

Jóhannes Valgeirsson, milliríkjadómari (KA)

Kristinn Jakobsson, milliríkjadómari (KR)

Magnús Þórisson, milliríkjadómari (Keflavík)

Einar Örn Daníelsson, landsdómari (Víkingur R.)

Eyjólfur M Kristinsson, landsdómari (FH)

Valgeir Valgeirsson, landsdómari (ÍA)

Vilhjálmur Alvar Þórarinsson, landsdómari (KV)

Þorvaldur Árnason, landsdómari (Fylkir)

Þóroddur Hjaltalín Jr., landsdómari (Þór)

Örvar Sær Gíslason, landsdómari (Fram)