Draugamark í Watford

Dómurum leiks Watford og Reading í ensku B-deildinni um helgina urðu á stór mistök er þeir dæmtu gilt mark þó svo að boltinn hafi aldrei verið nálægt því að fara yfir marklínuna.

Með „markinu" komst Reading í 1-0 forystu en leiknum lauk með 2-2 jafntefli. Steve Coppell, stjóri Reading, segir að hann sé reiðubúinn að endurtaka leikinn.

„Ég hef séð endursýningar af atvikinu og þetta var auðvitað ekki rétt," sagði hann. „Ef yfirvöldin ákveða að endurtaka leikinn munum við ekki mótmæla því."

Markið var skráð sem sjálfsmark á John Eustace boltinn fór af honum eftir hornspyrnu og aftur fyrir endamörk. Leikurinn hélt hins vegar áfram þar til að markvörður Watford ætlaði að taka markspyrnu og markið skyndilega dæmt gott og gilt.