Tottenham að bjóða í Robert Green?

Forráðamenn Tottenham eru að íhuga að gera West Ham feitt tilboð í enska markvörðinn Robert Green í sumar ef marka má frétt News of the World í dag. Green var keyptur á aðeins 2 milljónir frá Norwich á sínum tíma og hefur staðið sig ágætilega með Hömrunum í vetur.

Helgarblaðið flytur reyndar fleiri fréttir af West Ham í dag, því þar segir að Alan Curbishley hafi verið tjáð af Björgólfi Guðmundssyni að hann vilji skera leikmannahóp félagsins niður um sex menn vegna kreppuástandsins sem ríkt hefur undanfarið.