Lampard: Ekki afskrifa United

Chelsea getur náð níu stiga forskoti á Manchester United í ensku úrvalsdeildinni með sigri í stórslag liðanna á Stamford Bridge næsta sunnudag.

Manchester United verður þar án varnarmannsins Nemanja Vidic sem fékk að líta rauða spjaldið í leiknum gegn Liverpool um helgina og sömu sögu er að segja um miðjumanninn Michael Carrick sem meiddist í leiknum.

Frank Lampard hjá Chelsea segir að þó gaman væri að ná góðu forskoti á United í deildinni, segir að allt of snemmt sé að afskrifa Manchester United svona snemma á leiktíðinni - jafnvel þó færi svo að liðið tapaði á sunnudag.

"Það væri mjög gott að ná níu stiga forystu á United í baráttu okkar gegn þeim í deildinni, en við megum ekki gleyma því að Liverpool er að leika vel og sömu sögu er að segja um Arsenal sem náði frábærum úrslitum um helgina. United er lið sem aldrei má líta af og getur unnið fjölda leikja í röð. Hvað sem gerist í næstu viku mun ekki hafa úrslitaþýðingu í deildinni - en það yrði gott að ná að vinna þá," sagði Lampard.