Aron: Fæ frekar rautt en að leyfa honum að taka vítið

Aron Einar Gunnarsson, leikmaður Coventry í ensku B-deildinni, segist ætla að taka að sér hlutverk vítaskyttu í liðinu eftir að félagi hans brenndi af víti á þriðjudaginn.

Elliott Ward hefur verið vítaskytta Coventry og skoraði úr sex spyrnum í röð áður en hann skaut framhjá marki Sheffield United en leiknum lauk með 1-1 jafntefli.

„Ef Wardy ætlar að þræta eitthvað fyrir þetta þá verð ég tilbúinn. Ég ætla að ná í boltann og taka vítið," sagði Aron í samtali við Coventry Telegraph.

„Ég tók vítin í varaliði AZ og klúðraði aldrei. Ég hef talað við Elliott og hann segist ætla að berjast um þetta við mig. En ég sagði honum að ég mér væri sama þótt ég fengi rautt spjald - ég ætla að ná í boltann."