Hefner reynir að barna kærustuna

Playboy kóngurinn Hugh Hefner hefur engan tíma til að sóla sig á Flórída og spila golf með jafnöldrum sínum. Hinn áttræði Hefner stendur nú í ströngu við að reyna að barna kærustuna sína, hina 28 ára Holly Madison.

Haft er eftir Holly, sem er uppáhalds kærasta Hefners, að hin fullkomna Valentínusargjöf væri hús og barn. Hún var þá vonandi að meina gjöf næsta árs, en meðgöngutími hjá Playboykanínum mun vera sá sami og hjá minna brjóstgóðum meðalkvennmanni.

Hefner er alveg til í barn, en vill þó ekki heyra á það minnst að giftast Holly sinni. Enda yrði það erfitt þar sem hann er enn giftur fyrirsætunni Kimberly Conrad, sem hann á tvö börn með.

Hefner nær líklega að halda uppi lítilli deild hjá Pfizer með Viagra kaupum. Hann á fjögur börn, 55, 52, 17 og sextán ára. Ekkert þeirra býr hjá honum, og þarf Hefner því að láta sér nægja félagsskap kærastanna átta.