Quaresma til Chelsea í sumar?

Chelsea ætlar að reyna að kaupa portúgalska vængmanninn Ricardo Quaresma frá Porto í sumar. Þessi skemmtilegi 24 ára leikmaður hefur oft verið orðaður við Chelsea en hann er nú farinn að hugsa sér til hreyfings og vill fara í stærra lið.

Porto hefur verið bannað að keppa í Meistaradeildinni á næstu leiktíð og það hefur mikil áhrif. Fleiri lið en Chelsea hafa áhuga á Quaresma, þar á meðal Inter á Ítalíu og Real Madrid á Spáni.

Forseti Porto hefur sett 24 milljón punda verðmiða á Quaresma.