Coppell áfram með Reading

Steve Coppell hefur staðfest að hann haldi áfram sem knattspyrnustjóri Reading þrátt fyrir fall liðsins úr ensku úrvalsdeildinni.

Coppell fékk stuðning frá áhangendum félagsins og stjórnarformanninum John Madejski. Coppell segir á heimasíðu félagsins að hann sé ánægður með að halda áfram.

„Viðbrögð stuðningsmanna höfðu áhrif á ákvörðun mína, einnig samband mitt við stjórnarformanninn og aðra hjá félaginu. Ég hlakka til næsta tímabils og að glíma við þá áskorun að reyna að komast aftur upp í úrvalsdeildina," sagði Coppell.