Innlent

Morgunblaðið braut ekki gegn siðareglum í umfjöllun um nauðgunarleik

Morgunblaðið braut ekki gegn siðareglum
Morgunblaðið braut ekki gegn siðareglum
Siðanefnd Blaðamannafélags Íslands úrskurðaði í dag að Morgunblaðið hafi ekki brotið gegn siðareglum Blaðamannafélags Íslands í umfjöllun um nauðgunarleikinn "Rape Lay". Svavar Kjarrval kærði málið til Siðanefndarinnar fyrir hönd Istorrent. Svavar gerði athugasemdir við að greinarhöfundur Morgunblaðsins hafi ekki gert almennilega tilraun til þess að hafa samband við fulltrúa Istorrent áður en greinin var birt.

Kærandi sakaði líka greinarhöfund og Morgunblaðið um að sleppa því að nefna mikilvægar tæknilegar staðreyndir og þannig láta í veðri vaka að stjórnendur vefsvæðisins hefðu gert leikinn aðgengilegan á vefsvæðinu að eigin frumkvæði. „Með þessu hafi greinarhöfundur reynt að sverta orðspor Istorrents," eins og segir í kærunni. Þá hafi fyrirsögn greinarinnar gefið ranga eða ýkta mynd af tilgangi leiksins og hún verið valin til þess eins að sverta álit almennings í garð starfsemi Istorrents.

Siðanefnd Blaðamannafélagsins féllst ekki á athugasemdir kæranda.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.