Fljúgandi elgur veldur usla

Starfsmenn sænska símafyrirtækisins Telia fengu heldur betur óvænta heimsókn á föstudaginn í síðustu viku þegar elgur kom fljúgandi í gegnum glugga skrifstofunnar. Glerbrotum rigndi yfir skrifstofuna og kalla þurfti á veiðimann til að aflífa dýrið.

Atvikið átti sér stað í bænum Örebro í Svíþjóð. Elgurinn hafði villst út úr nærliggjandi skógi og við það trylltist dýrið og kastaði sér inn um glugga símafyrirtækisins. Dýrið skarst illa og var veiðimaður fenginn til að aflífa það.