SMS fyrir hjónabandið

Eiginmaður söngkonunnar Pink, Carey Hart, segist halda hjónabandinu ástríðufullu með því að senda frúnni SMS skilaboð þar sem þau hittist ekki mikið vegna anna. Pink er sem stendur á tónleikaferðalagi um Bandaríkin með Justin Timberlake en Carey er atvinnumaður í mótorkrossi og opnaði nýverð þrjár tattoostofur.

Pink og Carey giftu sig í janúar á síðasta ári á Costa Rica. Í viðtali við People segir Carey að þau hafi haldið upp á pappírsbrúðkaup sitt með því að fara í gott bað og njóta þess að vera saman. Þegar þau hafi ekki kost á að hittast þá séu þau hjónin í miklu sambandi og hringi hvort í annað þrisvar til fjórum sinnum á dag. Þess á milli sendi þau SMS skilaboð.