Þjónustumiðstöð fyrir Norðurhöf verði á Vestfjörðum

Stjórnarandstæðingar ná sjaldan málum í gegnum Alþingi, hvað þá varaþingmenn úr þeirra röðum, en það gerðist þó í nótt þegar þingsályktunartillaga Lilju Rafneyjar Magnúsdóttur, varaþingmanns Vinstri - grænna, var samþykkt.

Samkvæmt henni á ríkisstjórnin að gera úttekt á möguleikum þess að efla norðanverða Vestfirði sem miðstöð þjónustu við vaxandi fiskveiðar við Austur-Grænland og skoða sérstaklega þann kost að þjónustumiðstöð og umskipunarhöfn fyrir siglingar í Norðurhöfum verði á Vestfjörðum. Haft verði náið samráð við heimamenn við gerð úttektarinnar.