Jafnt hjá Chelsea og Arsenal í hálfleik

Staðan er ennþá jöfn, 1-1, þegar flautað hefur verið til hálfleiks í viðureign Chelsea og Arsenal í úrslitum deildabikarsins. Theo Walcott og Didier Drogba skoruðu mörkin en fyrri hálfleikurinn hefur verið frábær skemmtun.

Mark Walcott var hans fyrsta fyrir Arsenal og er óhætt að segja að það hafi komið á réttum tíma. Arsene Wenger stillir upp ungu og nokkuð óreyndu liði sem hefur engu að síður haft yfirhöndina gegn sterkasta liði Englandsmeistarana.

Arsenal hefur fengið nokkur fín færi til að bæta við mörkum en segja má að Drogba hafi nýtt eina opna marktækifæri Chelsea í leiknum.