Selja kirkjutúnið upp í skuldirnar

Sjálfstæðismenn og vinstri grænir í Hafnarfirði hafa lýst sig andvíga því að kaþólska kirkjan á Íslandi fá heimild bæjaryfirvalda í Hafnarfirði til að leysa fjárhagsvandræði safnaðarins með sölu íbúðarhúsalóða.

Bæjarstjórnin samþykkti í síðustu viku að auglýstar yrðu breytingar á aðalskipulagi Hafnarfjarðar þannig að hægt yrði að reisa þrjú þriggja hæða hús með samtals 15 íbúðum á lóðinni við kaþólsku kirkjuna á Jófríðarstöðum. Lóðin hefur verið skilgreind sem byggingarlóð undir þjónustustarfsemi.

„Ekki er hægt að fallast á að þótt upplýst sé að kaþólska kirkjan á Íslandi eigi í fjárhagsvanda, réttlæti það að farið sé í brask með lóðirnar, og hvorki sé tekið tillit til Jófríðarstaðasvæðisins sem eins af sérkennum Hafnarfjarðar né þeirra ákveðnu mótmæla sem nágrannar hafa haft í frammi vegna skipulagsins," bókuðu fulltrúar minnihluta Sjálfstæðisflokks og Vinstri grænna á síðasta fundi skipulags- og byggingarráðs áður en bæjarstjórnin samþykkti breytinguna með atkvæðum meirihluta Samfylkingarinnar.Með bókun sinni vísar minnihlutinn í bréf kaþólsku kirkjunnar frá í desember 2005 þar sem fram kemur að söfnuðurinn þurfi á peningum að halda og vilji komi hluta lóðar sinnar í verð.

Vegna athugasemda nágranna voru gerðar breytingar á upphaflegri tillögu um byggðina á Jófríðarstaðatúninu. Húsin hafa verið lækkuð, þau færð fjær nálægum leikskóla og aðkoma höfð frá Jófríðarstaðavegi en ekki frá Staðarhvammi. Fulltrúar minnihlutans eru þó enn andvígir.

„Rétt þykir að minna á að þegar gerður var samningur við kaþólsku kirkjuna og henni tryggt rými næst kirkjunni var það gert aðallega til að tryggja að kirkjan hverfi ekki og hún fái að njóta sín samanber athugasemdir hönnuðar kirkjunnar. Ennfremur lögðu fulltrúar kirkjunnar á þeim tíma ríka áherslu á að ekki væri byggt nærri kirkjunni," bókaði minnihlutinn í skipulagsráði.

Gísli Ó. Valdimarsson, formaður skipulags- og byggingarráðs Hafnarfjarðar, segir að reynt hafi verið að koma til móts við athugasemdir íbúanna. Í kynningarferli sem nú hefjist gefist íbúunum tækifæri til að tjá sig um nýju tillöguna.

Með bókun sinni vísar minnihlutinn í bréf kaþólsku kirkjunnar frá í desember 2005 þar sem fram kemur að söfnuðurinn þurfi á peningum að halda og vilji komi hluta lóðar sinnar í verð.

Vegna athugasemda nágranna voru gerðar breytingar á upphaflegri tillögu um byggðina á Jófríðarstaðatúninu. Húsin hafa verið lækkuð, þau færð fjær nálægum leikskóla og aðkoma höfð frá Jófríðarstaðavegi en ekki frá Staðarhvammi. Fulltrúar minnihlutans eru þó enn andvígir.

„Rétt þykir að minna á að þegar gerður var samningur við kaþólsku kirkjuna og henni tryggt rými næst kirkjunni var það gert aðallega til að tryggja að kirkjan hverfi ekki og hún fái að njóta sín samanber athugasemdir hönnuðar kirkjunnar. Ennfremur lögðu fulltrúar kirkjunnar á þeim tíma ríka áherslu á að ekki væri byggt nærri kirkjunni," bókaði minnihlutinn í skipulagsráði.

Gísli Ó. Valdimarsson, formaður skipulags- og byggingarráðs Hafnarfjarðar, segir að reynt hafi verið að koma til móts við athugasemdir íbúanna. Í kynningarferli sem nú hefjist gefist íbúunum tækifæri til að tjá sig um nýju tillöguna.