Greiða yfir 40 milljónir króna í opinber gjöld

Tuttugu og þrír Reykvíkingar greiða yfir 40 milljónir króna hver í opinber gjöld. Mest greiðir Ármann Ármannsson útgerðarmaður Helgu RE, rúmar 160 milljónir, sem að meðstu mun mega rekja til söluhagnaðar af skipi og kvóta.

Aðalsteinn Karlsson, í A. Karlsson, sem nú hefur runnið inn i Atorku er næstur með 133 milljónir. Þá Heiðar Már Sigurðsson, forstóri í KB banka, Sigurður Helgason yngri, fyrrverandi forstjóri Flugleiða með 92 milljónir, Jákúb á Dul, Jacobsen í Rúmfatalagernum, Þórarinn Elmar Jensen, fyrrverandi eigandi 66 gráða Norður, Ingunn Gyða Wernersdóttir stór eigandi í Glitni ásamt Werner bróður sínum, Jón Ásgeir Jóhannesson forstjóri Baugs með 75 milljónir, Auður Einarsdóttir fjárfestir og dóttir Einars ríka, og Jón Hjatarson, kenndur við Húsgangahöllina, er í tíunda sæti, að hluta vegna söluhagnaðar.

 Björgólfur Guðmundsson stjórnarformaður Landsbankans er í fjórtánda sæti og Ragnhildur Geirsdóttir, sem var forstjóri Flugleiða um skamma hríð, og fékk háan starfslokasamning, er í 19. sæti. -

Í Reykjanesumdæmi skattstjórans, sem nær yfir Reykjanesbæ, Hafnarfjörð, Kópavog, Garðabæ, Seltjarnarnes og Mosfellsbæ, er Arngrímur Jóhannsson flugstjóri, sem reyndar er ný fluttur til Akureyrar, í fyrsta sæti með 170 milljónir, meðal annars vegna söluhaganðar af Atlanta. 75 milljónum neðar er svo Halldór Jón Kristjánsson bankastjóri í Landsbankanum, Þá Styrmir Þór Bragason, sem fékk starfslokasamning hjá Atorku og varð bankastjóri MP banka, Eiríkur Sigurðsson kaupmaður, sem átti 10-11 verslanirnar, líklega söluhagnaður þar,  Jón Sigurðsson fyrrverandi ráðherra og bankastjóri Norræna fjárfestingabankans.

 Þórarinn Sveinsson verkfærðingur, Gunnar Dungal í Pennanum, Ásgrímur Skarphéðinsson einn af forstjórum KB banka, Pétur Stefánsson útgerðarmaður, vegna söluhagnaðar af skipi og kvóta, og Bjarni Ármannsson bankastjóri Glitnis.