Lehmann á að spila áfram

Markvörðurinn snjalli Oliver Kahn segir að Jens Lehmann eigi að halda áfram að spila með Þýskalandsliðinu. Kahn lék sem kunnugt kveðjuleik sinn fyrir Þjóðverja á HM er liðið sigraði Portúgal 3-1 um bronsverðlaunin.

Lehmann er sagður vera að skoða sín mál og hvort hann eigi að halda áfram með landsliðinu eða ekki. " Hver og einn leikur á að ákveða sjálfur hvað hann gerir. En Jens er nýorðinn aðalmarkvörður landsliðsins og mér finnst að hann eigi að halda áfram. Hann spilaði frábærlega á HM og gerði engin mistök og af hverju ekki að halda áfram?;" sagði Kahn.

Kahn sem er 37 ára gamall segir að hann eigi nóg eftir og sé ekkert að fara að hætta strax. " Ég mun halda áfram með Bayern og ætla að vera í markinu hjá þeim. Ég er farinn að hlakka mikið til næsta tímabils og ég ætla að njóta þess að spila eins lengi og ég get," bætti Kahn við