Domenech í banni á sunnudaginn?

Portúgalir eru ævareiðir útí Raymond Domenech þjálfara franska landsliðsins, en hann á að hafa lent í miklu orðaskaki við portúgalska varamannabekkinn í seinni undanúrslitaleiknum á miðvikudag.

Segja þeir að Domenech hafi beðið eftir þeim á vallargöngunum eftir 1-0 sigur frakka og byrjað að öskra á þá: "I fucked you, I fucked you" hlæjandi og bendandi á portúgölsku leikmennina. Brutust þá út mikil ólæti og var Felipe Scolari þjálfari portúgala víst alveg brjálaður.

Núna vilja þeir fá Domenech í bann fyrir úrslitaleikinn á sunnudaginn. Talsmaður Portúgalska landsliðsins Afonso de Melo lét þessi orð falla: "Framkoma Domenech var dónaleg og móðgandi."

Knattspyrnunefnd FIFA er sögð vinna að þessu máli.