Materazzi segir að Gattuso pakki Zidane saman

Marco Materazzi miðvörður Ítalska landsliðsins er kokhraustur fyrir úrslitaleikinn á HM sem að fram fer á sunnudaginn. Hann segir að lítið mál sé fyrir Gennaro Gattuso að pakka Zinidine Zidane saman og koma í veg fyrir að hann beri franska liðið uppi.

Gattuso er ekki sá fljótasti í boltanum en það ætti ekki að koma að sök þar sem að Zidane hefur misst mikinn hraða á seinustu árum og er ekkert öskufljótur sjálfur. Gattuso er einn ákveðnasti og besti varnarmiðjumaður heims og er því tilvalinn til að reyna að halda Zidane niðri í leiknum.

Þá er bara spurning hvort að Thierry Henry taki við sér í staðinn en Materazzi á einmitt að hafa gætur á honum í fjarveru Alessandro Nesta sem að er enn meiddur.