Thuram telur að Frakkar þurfi að varast Ítalina

Lilian Thuram miðvörður franska landsliðsins sem að leikur einnig með ítalska liðinu Juventus telur að Frakkar verði að passa sig á samheldnu og sterku liði Ítala í úrslitaleiknum.

Thuram óttast að Ítalir séu að spila af sjaldgæfri samheldni sem að hefur ekki einkennt liðið undanfarin ár og að það kunni að verða til þess að erfitt verður fyrir Frakka að endurtaka leikinn frá 1998 og vinna heimsmeistaratitilinn.

Ítalir eru taldir hafa þjappað sér betur saman eftir að upp komst um hneikslismálið sem að skekur ítalska knattspyrnu um þessar mundir en 13 leikmenn í ítalska hópnum leika einmitt með liðunum fjórum sem hafa verið ákærð í málinu.