"Sýnum hvað við getum og vinnum þessa keppni"

Steven Gerrard, leikmaður enska landsliðsins segir að enska liðið eigi að sýna úr hverju það er gert og fara á fulla ferð áfram og vinna heimsmeistarakeppnina í Þýskalandi í sumar.

Hann hafði þetta að segja um málið.

" Við verðum að vera ákveðnir og trúa því að við getum þetta. Við verðum að sýna okkar eðli og hugsa fram á veginn. Hópurinn er þéttur og góður og við ætlum okkur að sýna heiminum að við erum með gott lið sem getur farið alla leið.

Nú er bara að halda áfram á þeirri leið sem við erum komnir á. Við hugsum um þau orð að við getum þetta, þegar í hvern einasta leik kemur. Við verðum líka að sýna þjóð okkar að við erum verðskuldaðir fulltrúar hennar á þessu móti.

Nú er tækifæri fyrir okkur að sýna þeim sem hafa verið að segja að þetta lið sé ekki nógu gott til að fara alla leið eða jafnvel vera í þessari keppni að þeir hafi rangt fyrir sér. Undanfarin stórmót höfum við ekki verið að standa okkur. Við höfum verið að bera of mikla virðingu fyrir andstæðingum okkar og öll umræðan í kringum okkur hefur verið neikvæð. Núna er þetta í okkar höndum og ef við spilum okkar enska bolta þá er ég ekki í vafa að við getum farið alla leið.

Við megum megum ekki verða hræddir, heldur halda áfram og hugsa bara um að við getum þetta, ef við gerum það þá eru okkur allir vegir færir, " sagði Gerrard.